IÐAN fræðslusetur býður félagsfólki í málm- og véltæknigreinum upp á nýtt og spennandi námskeið núna í byrjun janúar. Um er að ræða námskeið í titringsmælingum, eða Vibration Analysis CAT 1. Um er að ræða námskeið sem er í heildina 32 tímar. Fullt verð er 370 þúsund krónur en fyrir meðlimi IÐUNNAR kostar aðeins 92.500 kr.

Mikilvægi titringsmælinga er þekkt og nútíma tækni býður stöðugt upp á auðveldara og virkara eftirlit með búnaði með  aðstoð titringsmælinga.

Efni námskeiðsins:

• Hvað veldur titringi og hvernig finnum við ástæðu fyrir honum.
• Hvernig tökum við jafnar og marktækar mælingar.
• Hvaða búnaður og tækni hentar til eftirlits og greiningar.
• Hugtök og notkun þeirra tengd titringsmælingum.
• Hvernig eiga vinnureglur að vera þegar viðvaranir fara yfir viðmiðunarmörk.
• Læra að lesa úr mælingum og túlka niðurstöður.

Að námskeiði loknu hafa þátttakendur öðlast þekkingu á:

• Tilgangi titringsmælinga á vélbúnaði og geta gripið bilanir áður en þær verða vandamál. 
• Rekstrarheild og með þeim skilningi fyrirbyggt óhentug og dýr neyðarstopp.
• Eigintíðni og leiðir til að forðast rekstur á óhentugu snúningssviði.
• Hvernig hægt er að finna mögulega orsök bilunar áður en búnaður er stöðvaður. 

Námskeið er haldið af RMS – Reliability Maintenance Solutions.

Kennsla fer fram á ensku. 

Gjafabréf gildir ekki á þetta námskeið

Nánari upplýsingar má finna hér.