Um símenntun
Í síbreytilegu starfsumhverfi reynir á aðlögunarhæfni fólks og getu til að takast á við nýungar og bregðast við nýjum aðstæðum. Tækniþróun og aukin samkeppni gera sífellt meiri og nýjar kröfur til þekkingar, fagkunnáttu og hæfni starfsmanna og fyrirtækja í heild.
Fagmenn eiga sjálfir að sýna frumkvæð og sækjast eftir nýrri þekkingu og reynslu. Sjálfsagt er að kanna þá styrki sem bjóðast og láta á það reyna hvort atvinnurekandi er tilbúinn að styðja starfsmenn til að sækja sér aukna þekkingu, enda ávinningurinn oft ekki síður þeirra.
Fjölmargar menntastofnanir bjóða fjölbreytt nám og möguleikar á að fara aftur í skóla alltaf að aukast með framboði á námi með vinnu og fjarnámi.
VM er aðili að IÐUNNI fræðslusetri sem ætlað er að bæta hæfni starfsmanna og fyrirtækja m.a. í vél- og málmiðnaði. Félagsmenn VM, sem sérstakt gjald er greitt af til IÐUNNAR, njóta niðurgreiddra námskeiða. Boðið er upp á námskeið sem eru einstök í sinni röð, um hönnun, stjórnun og stýringu vélbúnaðar s.s. AutoCAD, loftræsitækni, kælitækni, vökvatækni og suðu. Einnig eru sérhæfð námskeið haldin í fyrirtækjum.
Aðrar símenntastofnanir
Fagmenntastofnanir
Framhaldsskólar sem kenna málmtækni og vélstjórn:
| Borgarholtsskóli | Málmtækni |
| Fjölb. Norðurlands vestra | 1. og 2.stig vélstjórnar og málmtækni |
| Fjölb.skóli Suðurlands | Málmtækni |
| Fjölb. skóli Suðurnesja | 1. og 2.stig vélstjórnar og málmtækni |
| Fjölbrautarskóli Vesturlands | Málmtækni |
| Tækniskólinn – skóli atvinnulífsins | 1.- 4.stig vélstjórnar |
| Framhaldsskólinn í Vestmannaeyjum | 1. og 2.stig vélstjórnar og málmækni |
| Iðnskólinn í Hafnarfirði | Málmtækni |
| Menntaskólinn á Ísafirði | 1. og 2.stig vélstjórnar og málmtækni |
| Verkm.skóli Austurlands | 1. og 2.stig vélstjórnar og málmtækni |
| Verkm.skólinn á Akureyri | 1. – 4.stig vélstjórnar og málmtækni |
Fagtengt framhaldsnám
| Háskóli íslands | Verkfræði |
| Háskólinn í Reykjavík | Tæknifræði, iðnfræði, verkfræði |
