Desemberuppbót
Desemberuppbót greiðist eigi síðar en 15. desember ár hvert, miðað við starfshlutfall og starfstíma, öllum starfsmönnum sem verið hafa samfellt í starfi hjá atvinnurekanda í 12 vikur á síðustu 12 mánuðum eða eru í starfi fyrstu viku í desember.
Heimilt er með samkomulagi við starfsmann að uppgjörstímabil sé frá 1.12. til 30.11. ár hvert í stað almanaksárs.
Starfsmaður sem lætur af störfum á árinu skal við starfslok fá greidda desemberuppbót miðað við starfstíma og starfshlutfall á árinu. Fullt ársstarf telst 45 unnar vikur eða meira fyrir utan orlof.
| Desemberuppbót | Ár 2024 |
| Almennur samningur VM við SA um störf félagsmanna í landi | kr. 106.000 |
| Kjarasamningur VM vis SGS – vegna vélstjóra á fiskiskipum | kr. 106.000 |
| Félagsmenn VM hjá Faxaflóahöfnum | kr. 123.590* |
| Vélstjórar á kaupskipum | kr. 106.000 |
| Vélstjórar á skipum Landhelgisgæslu og Hafrannsóknarstofnunar | kr. |
| Félagsmenn VM hjá Landsvirkjun | kr. 154.256 |
| Félagsmenn VM hjá HS-orku | kr. 149.078 |
| Félagsmenn VM hjá HS-Veitum | kr. 152.940 |
| Félagsmenn VM hjá ÍSAL | kr. 283.555 |
| Félagsmenn VM á samningi sveitarfélaga | kr. 135.500 |
| Félagsmenn VM hjá Orkuveitu Reykjavíkur | kr. 123.600 |
| Félagsmenn VM hjá Norðurorku | kr. 138.355 |
| Félagsmenn VM hjá Orkubúi Vestfjarða | kr. 230.784 |
| Vélfræðingar á Rammasamningi | kr. 154.256 |
*Samningur bíður samþykktar.
Vegna vélstjóra á fiskiskipum
Útgerð skal greiða fastráðnum skipverjum, og skipverjum sem ráðnir eru í reglulegar afleysingar, desemberuppbót ár hvert, fyrst þann 15. desember 2024.
Full desemberuppbót skal miðast við 160 lögskráningardaga eða fleiri á tímabilinu 1. desember til 30. nóvember ár hvert um borð í skipum sömu útgerðar. Séu lögskráningardagar ár hvert færri skal fjárhæð desemberuppbótar skerðast hlutfallslega. Skipverjar sem ráðnir eru í reglulegar afleysingar teljast þeir sem ná að lágmarki 50 lögskráningardögum um borð í skipum sömu útgerðar.
Tímavinnu skipverja við skipsstörf utan lögskráningardaga, veikindadaga og fjarvistir vegna slysa, skal telja með við útreikning á greiðslu desemberuppbótar. Við útreikning á tímavinnu teljast 8 vinnustundir dag hvern sem heill dagur skv. þessu. Færri vinnustundir dag hvern skal því reikna hlutfallslega og vinnustundir umfram 8 dag hvern telja ekki.
