Fiskverð
Verðlagsstofa skiptaverðs tók til starfa með lögum nr. 13/1998 um Verðlagsstofu skiptaverðs og úrskurðarnefnd sjómanna og útvegsmanna. Tilgangur laganna er að tryggja opinbert eftirlit með því að útgerðir geri rétt upp við sjómenn. Hlutverk Verðlagsstofu er samkvæmt 1. gr. laganna að fylgjast með fiskverði og uppgjöri á aflahlut sjómanna og stuðla að því að það sé rétt og eðlilegt. Hafi samtök útvegsmanna og sjómanna gert með sér samkomulag um tiltekin markmið um viðmið varðandi verðlagningu á fiski við uppgjör á aflahlut sjómanna skal Verðlagsstofa og Úrskurðarnefnd sjómanna og útvegsmanna stuðla að því að markmið þeirra samninga nái fram að ganga, sbr. 2. mgr. 1. gr. Til að framfylgja því eftirliti sem Verðlagsstofa hefur með höndum er sú kvöð m.a. lögð á útgerð skips að senda án tafar alla samninga um fiskverð sem gerðir eru á milli útgerðar og áhafnar, sbr. 4. gr. laganna.
Slóð á mælaborð Verðlagsstofu skiptaverðs um fiskverð og afurðaverð
Slóð á Reiknistofu fiskmarkaða
Fiskverðsákvörðun
| Fiskverðsákvörðun 3. september 2024 | |
| Slægður þorskur | Lækkun -3% |
| Óslægður þorskur | óbreytt verð |
| Slægð ýsa | óbreytt verð |
| Óslægð ýsa | óbreytt verð |
| Karfi | óbreytt verð |
| Ufsi | óbreytt verð |
