Ferð eldri félaga VM verður farin 15. júlí næstkomandi.

Lagt verður af stað frá Stórhöfða, klukkan 09:00 og ekið sem leið liggur um Suðurlandsveg til Landeyjahafnar þaðan sem við siglum klukkan 12:00, með Herjólfi, til Vestmannaeyja.

Þegar til Eyja kemur förum við í stutta skoðunarferð um Heimaey, en síðan snæðum við hádegisverð hjá Einsa kalda, sem er kunnur að góðum mat og þjónustu. Á boðstólnum verður lamb.

Að hádegisverði loknum heimsækjum við sýninguna á Eldheimum, en svo er frjáls tími til að skoða sig um Vestmannaeyjabæ áður siglt verður aftur til baka klukkan 18:00.

Á heimleið verður svo gerður stuttur stanz á Hvolsvelli þar sem hægt er að fá sér svolitla hressingu áður en haldið er heim á leið.

Áætluð heimkoma um klukkan 21:00. Skráning fer fram hér fyrir neðan.

Athugið að sætafjöldi er takmarkaður.