![Fagfélögin auka þjónustuna við landsbyggðina](https://vm.is/wp-content/uploads/2024/03/Hus-fagfelaganna-scaled.jpg)
Fagfélögin auka þjónustuna við landsbyggðina
Fagfélögin hyggjast í vetur hækka þjónustustig við félagsfólk VM, RSÍ, Byggiðn og MATVÍS á landsbyggðinni. Sérfræðingur úr kjarateymi Fagfélaganna verður ýmist á Austurlandi, á Skipagötu Akureyri og á Vestfjörðum þá daga sem hér eru taldir upp að neðan.
Félagsfólk er hvatt til að bóka fundi með góðum fyrirvara með því að senda póst á netfangið kjaramal@fagfelogin.is. Fulltrúinn mun þá finna heppilegan fundarstað í samráði við þann sem hefur samband.
Tilvalið er að nýta þessar heimsóknir til að ræða kjaramál, fá fræðslu eða ræða aðra þá hluti sem tengjast starfskjörum eða vinnuumhverfi.
Dagskrá heimsókna þar sem fulltrúi Fagfélaganna hefur viðveru á svæðinu verður sem hér segir:
Staður | Dagsetning |
Austurland | 4. september |
Vestfirðir | 24. september |
Akureyri | 3. október |
Akureyri | 5. nóvember |
Austurland | 19. nóvember |
Akureyri | 3. desember |
Tekið skal fram að félagsfólki um allt land er velkomið að hafa samband við Fagfélögin hvenær sem er utan þessara tíma.