Formanns- og stjórnarkjör VM 2026

• Fjölvirki hjá Nortek ehf.
• Hrútfirðingur með vetrasetu í Árbæ höfuðborgarinnar
• Vélvirki með rennismíða menntun að uppruna,
• Viðbótarnám hefur bæst við með árunum
• Vélfræðingur
• Skipstjórn SD
• Rafvirkjun
• Rafvélavirkjun
• Sveinspróf í flestu þessu enn er að berjast við að ná verklegahluta Rennismíðarinnar eftir 18 ára hlé í greininni.

Fyrri störf eru margvísleg

Vann lengi á yngri árum við Vinnuvélaviðgerðir hjá ýmsum fyrirtækjum hérlendis og erlendis, hef rennt og smíðað, stundað starf við rafmagni og þar helst viðgerðir á stýringum lyfta í húsbyggingum, þjófa og brunakerfa og ýmislegt annað því tengdu o.fl.

Hef sótt til sjós í brú og vél en aldrei fiskað enn hef náð í land stærsta og minnsta nytjadýr á miðum.

Það hefur reynst mér vel að vera félagi í V.M. og er mér ávallt að skiljast betur með árunum hví mikilvægt það er að launafólk hafi félag sem V.M. að baki sig.

Ekki erum við öll jafn heppinn að þurfa ekki að nýta sér það starf og þjónustu sem félagið bíður upp á og getum setið því á kantinum og látið okkur duga að nýta bústaði þess og styrktarkerfi sem hafa verið byggt upp með árunum og notið þær kjarabætur sem koma með nýjum kjarasamningum.

Þetta er ekki sjálfgefið, sumt af okkur verður á eða steini lagt fyrir okkur á lífsleiðinni. Það er á þeirri stund sem leitað er að leiðum til að halda lífsviðurværi og á þeirri leit er oft sem félagið okkar nær að standa við bak okkar og hjálpa okkur gegnum þennan erfiða kafla lífs okkar hvort það sé í starfi eða utan.

Þessi þjónusta næst ekki án styrks frá félaga þess þó lögbundinn sé, er þetta og það starf sem starfsfólks félagsins er treyst fyrir og vinnusemi sem gefin er, því er mikilvægt að leggja sitt atkvæði við þá félaga sem bjóða sig fram til stjórnar og formennsku félagsins sem við getum treyst fyrir þessu mikilvæga starfi.

Ég vil að þið félagar sjái mér fært um að standa vörð um þau gildi og störf sem ætlast er til af formanni þessa félags okkar og gefi mér atkvæði ykkar til formanns.

Loforð mín verða ekki meir en að ég muni leggjast hart að mér að standa vörð um kjör ykkar sem eru mismunandi eftir því hvar þið starfið og mikilvægt því að kynna sér vel hver þau störf eru og hvað ykkur félaga finnist um að þurfi að leggja áherslur á til betrunar.

Framtíðin er óljós, mikið er um að vera í heimsmálum sem getur gert okkur erfitt fyrir og því mikilvægt að formaður vinni hart að ríkisstjórninni um að halda verðlagi í landinu í skefjum svo kjör fari ekki á versnandi veg og geri kjarabaráttu erfiðari fyrir.

Það er einnig þörf á að halda áfram að herja á þeim kröfum sem sitjandi formaður og stjórn hafa gert að sjávarútveginum.

Endurskoða vel reynslu fólks af síðustu kjarasamningum ekki er að heyra að allir sitji sáttir við þær breytingar sem urðu þá.

Leggja hart að, að þeir félagar sem stunda vakta vinnu fái sömu fastalaunakjör og félagar sem starfa við hið sama í dagvinnu. Álag á ekki að vera fólki til frádráttar á fastalaunum (dagvinnu).

Skoða þarf nýjunga sem dæmi fjölgun þrepa, endurkomu 1.8 yfirvinnu, næturálagi, hvernig eigi að telja tíma til 100% starfshlutfalls. Útkalls þreppa og tíma, sem og margt fleira sem verður útlistað síðar með kjöri mínu til formanns ykkar.

Ég vona að þið munið sjá ykkur fært að treysta mér fyrir að standa vörð um ykkar lögskyldu kjörum og auðvitað blessuðu bústaði okkar. Ég verð ykkur sýnilegur formaður sem mun leggja áherslu á ykkar sýn á kjarabótum.

Kærri kveðju á ykkur og sjáumst vonandi að næstu leiti og ræðum málin.

Ég heiti Gunnar Sigurðson, vélstjóri og starfa sem sölumaður véla og tækja.

Ég er giftur faðir tveggja drengja, búsettur í Reykjavík, fæddur á Selfossi árið 1970 og ólst þar upp.

Árið 1988 fór ég á vertíð í Vestmannaeyjum þar sem ég réði mig sem vélavörð á Katrínu VE 47. Upphaflega ætlaði ég aðeins að vera eina vertíð, en dvölin varð að tíu árum. Á þeim tíma starfaði ég sem háseti og vélstjóri til sjós, lengst af á Faxa RE9, auk þess sem ég gegndi hlutverki trúnaðarmanns síðustu sex árin mín til sjós

Ég þurfti að hætta sjómennsku árið 2013 eftir 26 ára sjómennsku þegar ég lenti í alvarlegu slysi um borð í Faxa RE9. Í kjölfarið hóf ég nám við Vél¬tækniskóla Íslands og útskrifaðist með D-stig árið 2018.

Að námi loknu hóf ég starfs við sölumennsku tækja og véla og starfa nú hjá Íslyft ehf.

Síðastliðin tvö ár hef ég verið aðalmaður í stjórn VM og setið í stjórn sjúkrasjóðs VM.

Ég býð mig nú fram til formanns VM þar sem ég hef einlægan áhuga á að leggja mitt af mörkum til framgangs félagsins. Ég tel að fjölbreytt reynsla mín, bæði frá sjómennsku og störfum á landi, geti nýst félagsfólki vel, óháð starfsvettvangi.

Helstu áherslumál mín eru:

• Kjara- og lífeyrismál allra félagsmanna verða ávallt í forgangi.
  Það er kjarnahlutverk stéttarfélags að tryggja að kjör séu sanngjörn og að lífeyrismál séu traust og í öruggum farvegi.
• Við þurfum einnig að standa vörð um sjúkra-, styrktar-, fræðslu- og orlofssjóði félagsins.
  Þessir sjóðir eiga að veita góða þjónustu til félagsfólks á öllum stigum starfsævinnar.
• Ég legg áherslu á að iðnnám sé metið að verðleikum og að við stöndum vörð um réttindi okkar — jafnt til sjós sem lands.
• Ég legg einnig ríka áherslu á öryggismál.
  Öruggt starfsumhverfi er grunnforsenda þess að við getum sinnt störfum okkar af fagmennsku og öryggi — hvort sem er til sjós eða lands.

Að lokum skiptir miklu máli að félagið sé vel rekið, traust og framsækið.
Það þarf að veita öfluga, faglega og aðgengilega þjónustu fyrir allt félagsfólk — ekki síst ungt fólk sem er að stíga sín fyrstu skref í greininni.

Styrkur félagsins liggur í félagsfólkinu.
Ég mun hlusta á raddir ykkar og vinna með ykkur að því að gera gott félag enn betra.

Kandydat na przewodniczącego VM – Związku Mechaników Okrętowych i Techników

Nazywam się Gunnar Sigurðsson, jestem mechanikiem okrętowym i pracuję jako sprzedawca maszyn i urządzeń.

Jestem żonaty, mam dwóch synów, mieszkam w Reykjavíku. Urodziłem się w Selfoss w 1970 roku i tam dorastałem.

W 1988 roku wyjechałem na sezon połowowy do Vestmannaeyjar, gdzie podjąłem pracę jako pomocnik mechanika na statku Katrín VE 47. Początkowo planowałem zostać tylko jeden sezon, ale pobyt ten przedłużył się do dziesięciu lat. W tym czasie pracowałem jako marynarz pokładowy i mechanik okrętowy, głównie na statku Faxi RE9, a także przez ostatnie sześć lat mojej pracy na morzu pełniłem funkcję przedstawiciela załogi.

W 2013 roku, po 26 latach pracy na morzu, musiałem zakończyć karierę marynarską z powodu poważnego wypadku na pokładzie Faxi RE9. Następnie podjąłem naukę w Islandzkiej Szkole Techniki Mechanicznej (Vél¬tækniskóli Íslands), którą ukończyłem w 2018 roku, zdobywając uprawnienia D-stopnia.

Po ukończeniu nauki rozpocząłem pracę w sprzedaży maszyn i urządzeń i obecnie pracuję w firmie Íslyft ehf.

W ciągu ostatnich dwóch lat byłem członkiem zarządu VM oraz zasiadałem w zarządzie funduszu chorobowego związku.

Kandyduję teraz na przewodniczącego VM, ponieważ szczerze zależy mi na rozwoju naszego związku. Uważam, że moje zróżnicowane doświadczenie – zarówno z pracy na morzu, jak i na lądzie – może przynieść korzyści członkom związku, niezależnie od ich miejsca pracy.

Moje główne priorytety to:

• Warunki pracy i wynagrodzenia oraz kwestie emerytalne wszystkich członków muszą być zawsze na pierwszym miejscu.
  Podstawowym zadaniem związku zawodowego jest zapewnienie sprawiedliwych warunków oraz stabilnego i bezpiecznego systemu emerytalnego.
• Musimy również chronić fundusze: chorobowy, socjalny, edukacyjny i urlopowy.
  Powinny one zapewniać dobrą obsługę członkom na wszystkich etapach kariery zawodowej.
• Podkreślam znaczenie kształcenia zawodowego oraz konieczność ochrony naszych praw – zarówno na morzu, jak i na lądzie.
• Szczególną wagę przywiązuję także do kwestii bezpieczeństwa.
  Bezpieczne środowisko pracy jest podstawą profesjonalnego i bezpiecznego wykonywania obowiązków – niezależnie od miejsca pracy.

Na koniec niezwykle ważne jest, aby związek był dobrze zarządzany, wiarygodny i nowoczesny.
Powinien oferować silne, profesjonalne i dostępne wsparcie dla wszystkich członków – zwłaszcza dla młodych ludzi, którzy dopiero rozpoczynają swoją drogę zawodową.

Siła związku tkwi w jego członkach.
Będę słuchał Waszych głosów i współpracował z Wami, aby uczynić dobry związek jeszcze lepszym.

Z wyrazami szacunku,
Gunnar Sigurðsson

Vélfræðingur
Tæknistjóri gámaskipa hjá Eimskip Ísland

Ég hef ákveðið að bjóða mig fram til formanns VM, félags sem ég hef verið hluti af í fjóra áratugi.

Ég er vélfræðingur að mennt með sveinspróf í vélvirkjun, búsettur í Reykjavík.

• Menntun:

• Vélskólinn í Vestmannaeyjum, 2. stigi vélstjórnar
• Vélskóli Íslands, vélfræðingur
• Sveinsbréf í vélvirkjun
• Århus Købmandsskole, Markedsføring
• Tækniskólinn, 30 rúmlesta skipstjórnarréttindi

• Starfsreynsla:

• Vélstjóri á fiskiskipum af ýmsum gerðum
• Járnsmíðar í Danmörku 1999 - 2001
• Yfirvélstjóri á Herjófi III 2001 - 2013
• Vélstjóri á Norsku supply skipi í olíuiðnaðinum 2013 - 2015
• Tæknistjóri frystiskipa HB – Grandi 2015-2019
• Tæknistjóri frysti- og gámaskipa Eimskip 2019 -
• Prófdómari í Tækniskólanum í bilanaleit dísilvéla

• Aðkoma að félagsmálum:

• Varamaður í stjórn VM frá 2014
• Nemendafélag vélskóla Íslands
• Íslendingafélagið í Århus – ritstjóri blaðs félagsins
• Félagsmaður í Harmonikkufélagi Reykjavíkur
• Kórfélagi í, Drengjakór íslenska lýðveldisins
• Meðlimur í mótorhjólaklúbbnum Drullusokkar í Vestmannaeyjum
• Félagi í Snarfara, félag smábátaeiganda í Reykjavík
• Meðlimur í AKOGES Reykjavík

• Áherslur í starfi VM:

Efla menntun félagsmanna í ljósi þeirra hröðu tæknibreytinga sem nú eiga sér stað. Berjast fyrir því að halda áunnum réttindum og bæta lífskjör félagsmanna. Auka virðingu fyrir störfum iðnaðarmanna. Sýna fram á mikilivægi starfa innan vél- og málmiðnaðargeirans og varðveita þá fagþekkingu sem að þróast hefur á Íslandi. Sporna við þróun sem átt hefur sér stað, þar sem áhugi á störfum í vél- og málmiðnaðargeiranum hefur dvínað.

Ég vil gera átak í að laða ungt fólk til náms og starfa í greinunum og inn í félagið okkar.

Presentation of the candidate for Chairman of VM

Arnar Sigurðsson Engineer
Technical Manager of Container Vessels at Eimskip Iceland

I have decided to run for president of VM, a union that I have been a part of for four decades.

I am an engineer by education with a journeyman's degree in mechanics, living in Reykjavík.

Education:

• Vestmannaeyjar Marine Engineer School, Level 2 Marine Engineer
• Mechanical Engineering College of Iceland, Marine engineer, full degree
• Journeyman's certificate in mechanics
• Aarhus Business School, Marketing
• Technical College, 30 cubic ton skipper's license

Work experience:

• Engineer on fishing vessels of various types
• Blacksmithing in Denmark 1999 - 2001
• Chief Engineer at Herjófur III 2001 - 2013
• Engineer on a Norwegian supply vessel in the oil industry 2013 - 2015
• Technical Manager of HB – Grandi's freezer trawlers 2015-2019
• Technical Manager of Eimskip's freezer and container vessels 2019 -
• Examiner at the Technical College of Iceland in diesel engine troubleshooting

Involvement in social affairs:

• Alternate member of the Board of Directors of VM since 2014
• The Student Association of the Mechanical College of Iceland
• Icelanders' Association in Århus Denmark– editor of the association's newspaper
• Member of the Reykjavík Accordion Association
• Choir member of, Boys' Choir of the Icelandic Republic
• Member of the motorcycle club Drullusokkar in Vestmanisland
• Member of Snarfari, association of small boat owners in Reykjavík
• Member of AKOGES Reykjavík

Priorities in VM's work:

Strengthen the education of members in light of the rapid technological changes that are now taking place. Fight to keep earned rights and improve the living conditions of members. Increase respect for the work of tradesmen. Demonstrate the importance of jobs in the mechanical and metal industry sector and preserve the professional knowledge that has developed in Iceland. Counteract the development that has taken place, where interest in jobs in the mechanical and metal industry has waned.

I want to make an effort to attract young people to study and work in the fields and into our association.

Prezentacja kandydata na Przewodniczącego VM

Arnar Sigurðsson Inżynier
Kierownik Techniczny Statków Kontenerowych w Eimskip Iceland

Postanowiłem kandydować na stanowisko przewodniczącego VM, związku, którego jestem członkiem od czterech dekad.

Jestem z wykształcenia inżynierem, posiadam tytuł czeladnika w mechanice, mieszkam w Reykjavíku.

Wykształcenie:

• Szkoła Inżynierii Morskiej w Vestmannaeyjar, Inżynier morski, poziom 2
• Szkoła Inżynierii Mechanicznej Islandii, inżynier morski, pełny dyplom
• Świadectwo czeladnicze w mechanice
• Szkoła Biznesu w Aarhus, marketing
• Szkoła Techniczna, licencja sternika statku do 30 ton

Doświadczenie zawodowe:

• Inżynier na statkach rybackich różnych typów
• Kowalstwo w Danii 1999 – 2001
• Starszy mechanik na Herjólfur III 2001 – 2013
• Inżynier na norweskim statku zaopatrzeniowym w przemyśle naftowym 2013 – 2015
• Kierownik techniczny trawlerów-przetwórni HB – Grandi 2015–2019
• Kierownik techniczny statków mroźniczych i kontenerowych Eimskip 2019 –
• Egzaminator w Szkole Technicznej Islandii w zakresie diagnostyki silników diesla

Zaangażowanie społeczne:

• Zastępca członka Zarządu VM od 2014 roku
• Stowarzyszenie Studentów Szkoły Inżynierii Mechanicznej Islandii
• Stowarzyszenie Islandczyków w Århus, Dania – redaktor gazety stowarzyszenia
• Członek Stowarzyszenia Akordeonowego w Reykjavíku
• Członek chóru Chłopięcego Chóru Republiki Islandii
• Członek klubu motocyklowego Drullusokkar w Vestmannaeyjar
• Członek Snarfara, stowarzyszenia właścicieli małych łodzi w Reykjavíku
• Członek AKOGES Reykjavík

Priorytety w działalności VM:

Wzmocnienie kształcenia członków w świetle szybkich zmian technologicznych, które obecnie zachodzą. Walka o utrzymanie nabytych praw oraz poprawę warunków życia członków. Zwiększenie szacunku dla pracy rzemieślników. Ukazanie znaczenia zawodów w sektorze przemysłu mechanicznego i metalowego oraz zachowanie wiedzy zawodowej rozwiniętej w Islandii. Przeciwdziałanie trendowi spadku zainteresowania pracą w sektorze mechaniczno-metalowym.

Chcę podjąć działania, aby przyciągnąć młodych ludzi do nauki i pracy w tych dziedzinach oraz do naszego związku.

Fæddur 5. maí 1991.
Ég er búsettur í Álasundi, Noregi en hef aðsetur í Grafarvogi og Hafnarfirði.

Ég tók mér náms pásu 2012-2016 og flutti til Noregs þar sem ég kynntist konunni minni. Ég sný svo aftur og klára Vélstjórn D/Vélfræðingsnámið vorið 2018 og sveinspróf í vélvirkjun haustið 2018.

Ég bætti svo við mig rafvirkjanum í Covid, lauk því haustið 2021 og sveinsprófi í rafvirkjun vorið 2024.

Ég starfa í dag sem 1. vélstjóri á Tómasi Þorvaldssyni GK10 hjá Grindavík Seafood, er rafvirki/vélfræðingur hjá TG raf í hlutastarfi og áhuga skógarbóndi þegar ég kemst heim á milli anna.

Áður hef ég starfað hjá MS í Reykjavík til 2012, Tine Meieriet í Álasund '12-'16, vélsmiðjunni Hamar '17-'18 og á Hrafni Sveinbjarnarsyni GK255 '18-'19 (fylgi svo áhöfninni yfir þegar Tómas var keyptur 2019).

Ég er mikill mótorsport áhugamaður og hef verið að sinna ýmsum stöðum í því seinustu árin m.a. dómnefndarsetur, framkvæmdarnefnd og keppnisstjórn.

Ég hef ekki starfað beint við stjórn í félagsmálum áður en hef mikinn áhuga á að leggja mitt af mörkum við að efla félag og félagsfólk, ég mun leggja mesta áherslu á kjaramál, réttindi, öryggismál og aukið aðgengi að fræðslu/menntun þar sem ég tel að mennt sé máttur sem opnar margar dyr!

Mér er illa við að sitja auðum höndum, ég tel að rétt skuli vera rétt og býð ég mig fram til að leggja mitt af mörkum við að gera VM og félaga að enn betri heild!

Með kveðju Rafnar S. Baldvinsson Sími: 773 6190 Vélfræðingur / Rafvirki

Tæknistjóri vinnslu hjá First Water

Fæddur og uppalinn á Þingeyri. Búsettur í Þorlákshöfn.

Ég er vélfræðingur frá Vélskóla Íslands og með sveinspróf í rafvirkjun. Ég er vottaður verkefnastjóri samkvæmt IPMA Level D og einnig viðurkenndur bókari.

Ég starfa í dag sem tæknistjóri vinnslu hjá First Water. Áður hef ég starfað í orkugeiranum hjá Orkubúi Vestfjarða í Mjólkárvirkjun, HS Orku, Landsvirkjun og Orku náttúrunnar, auk starfa til sjós og sem viðhaldsstjóri í Sky Lagoon.

Ég býð mig fram til stjórnar VM þar sem ég hef áhuga á að leggja mitt af mörkum til félagsins og vinna að málefnum félagsmanna. Mikilvægt er að félagið haldi góðum tengslum við vinnustaði og standi vörð um kjör, menntun og öryggi félagsmanna bæði á sjó og landi.

Kv. Sigmar

Búsettur í Kópavogi.

Ég er Vélfræðingur frá Vélskóla Íslands og vottaður verkefnastjóri frá Verkefnastjórnunarfélagi Ísland samkvæmt IPMA level D. Ég hef lokið bóklegu prófi í rafvirkjun.

Ég starfa sem þjónustustjóri hjá Orkuveitu Reykjavíkur, ég vann á árunum 2006 til 2016 sem vélfræðingur í virkjunum Orku Náttúrunnar, við jarðgufuvirkjanirnar Hellisheiðarvirkjun, Nesjavallavirkjun og í vatnsaflsvirkjunum Andakílsárvirkjun og Elliðaárvirkjun. Ég hef einnig unnið í viðhaldsvinnu við virkjanir Landsvirkjunar á Þjórsársvæðinu og Sogstöðvar. Einnig hef ég unnið sem vélstjóri á sanddæluskipum og verkstæði Björgunar.

Ég er varaformaður VM. Ég var trúnaðarmaður fyrir vélfræðinga hjá Orku náttúrunnar frá árinu 2007 til 2016 (áður Orkuveitu Reykjavíkur). Ég er samninganefnd vélfræðinga hjá OR/ON og hef tekið þátt í samningum um breytta vinnutilhögun og verið í samræmingarhóp.

Ég hef gengt hinum ýmsum trúnaðarstörfum þar á meðal verið gjaldkeri í starfsmannafélagi Iðntæknistofnunar og gjaldkeri fyrir útskriftarhóp haust 1993 í Vélskólanum. Einnig starfaði ég með björgunarsveitinni Sigurgeir í áratug.

Kjaramál hafa alltaf verið mér mikilvæg og markmið mitt er að leggja mig fram um að vinna að bættum kjörum félagsmanna VM og eru þar lífeyrirismál ekki undanskilin. Ég tel að bæta megi menntun í vélstjórn og málmiðnaði, færa þarf menntunina nær þeim viðfangsefnum sem eru unnin á vinnumarkaðinum.

Hugur minn stendur til þess að gæta hagsmuna og vinna að bættum hag félagsmanna allra og þá eru engin málefni undanskilin.

Kæri kjósandi ég óska eftir áframhaldandi stuðningi þínum til setu í stjórn VM.

Dear voter, I am asking for your continued support for a seat on the VM board.

Vélvirki/ vélstjóri starfar hjá Hafnafjarðarbæ.

Búrsettur í Hafnafirði.

• Byrjaði til sjós 18 ára gamall.
• Vann sem háseti og vélstjóri í rúm 15 ár, á fiskiskipum og togurum.
• Fór í land og lærði vélvirkjun í Stálsmiðjunni og vann þar í rúm 10 ár.
• Flutti á Akranes og byrjaði í Norðurál þegar sú verksmiðja var að byrja.
• Starfaði þar í 13 ár og var trúnaðarmaður vélvirkja.
• Var einnig í trúnaðarráði Fit í nokkur ár.
• Síðustu árin hef ég verið á verkstæði Hafnarfjarðarbæjar.

Ég býð mig fram til stjórnar VM félags vélstjóra og málmtæknimanna því ég hef áhuga á verkalýðs og kjaramálum. Ég legg áherslu á að stjórn VM endurspegli störf félagsmanna.

Það eru mörg verkefni framundan hjá VM og verkalýðshreyfingunni í heild sinni. Kjarasamningar eru nú þegar í uppnámi og líklega verður þeim sagt upp eða þeim breytt þannig að ásættanlegt sé.

Menntamál eru alltaf í brennidepli. Bygging Tækniskólans í Hafnarfirði hefur tafist óeðlilega mikið og enn eru vafaraddir um staðsetningu skólans ekki síst vegna þess að Vegagerðin hefur ekki unnið vinnuna sína. Það þarf að gera vélvirkjanámið eftirsóknarvert. Og ekki síst, þá er það óþolandi að 700 nemendum sé vísað frá námi vegna plássleysis. Þarna þarf félagið að koma sterkt í umræðuna og ekki síst þurfum við sem félag að láta til okkar taka.

Lífeyrismál eru eilífðarmálin, sem hreyfingin verður að taka virkan þátt í ekki síst vegna þess að lífeyrissjóðurinn okkar er byrjaður að hefja óformlegar viðræður við annan lífeyrissjóð til sameiningar.

Fæddur á Akureyri 8.maí 1977.

Ég er búsettur á Ísafirði og hef starfað sem yfirvélstjóri á ísfisktogaranum Páli Pálssyni ÍS102.

Er nú eftirlitsmaður með smíði á Júlíusi Geirmundssyni sem verið er að smíða á Spáni.

Ég lauk 4.stigi í vélskóla Íslands 1998 og sveinsprófi í vélvirkjun 2001.

Að loknu námi hef ég starfað í vélsmiðju í rúm 7 ár og til sjós í rúm 17 ár.

Ég var aðalmaður í stjórn VM 2020-2022 og hef verið varamaður í stjórn 2022-2024. Auk þess hef ég verið í orlofsnefnd VM frá 2022-2024.

Ég býð mig fram til stjórnar VM vegna áhuga míns á félagsstörfum fyrir VM og vil reyna hafa áhrif á ákvörðunartökur og þjónustu félagsins með bættum hag fyrir félagsmenn því það eru þeir sem byggja upp félagið. VM er ekkert án félagsmanna.

Auk þess að með það í huga að félagið er landsfélag tel ég að stjórn þess þurfi að endurspegla það og félagsmenn af landsbyggðinni eigi að hafa fulltrúa í aðalstjórn VM, auk þess að sem breiðasta starfssvið félagsmanna endurspegli stjórn þess.

Ég heiti Sigurður Örn Guðmundsson (Siggi), fæddur árið 1995 og búsettur á höfuðborgarsvæðinu.

Ég er lærður vélfræðingur og útskrifaðist með D-stig frá Vélskóli Íslands árið 2018. Í kjölfarið lauk ég sveinsprófi í vélvirkjun árið 2019.

Í dag starfa ég sem yfirvélstjóri á Dettifossi hjá Eimskip.

Ég hef setið í samninganefnd fyrir hönd sjómanna hjá Eimskip innan VM – Félag vélstjóra og málmtæknimanna og hef mikinn áhuga á félagsstarfi og að bæta kjör allra félagsmanna.

Ég legg sérstaka áherslu á að bæta kjör vélstjóra á sjó. Það felur í sér að tryggja sanngjörn laun, betri starfsaðstæður og öfluga hagsmunagæslu gagnvart atvinnurekendum. Mikilvægt er að rödd vélstjóra á sjó heyrist skýrt og að réttindi þeirra séu virt og efld til framtíðar.

Vélfræðingur, rafvirki og mekatrónískur tæknifræðingur.

Starfar hjá HS Orku við raf- og stjórnbúnað.

Starfaði áður hjá EFLU verkfræðistofu á iðnaðarsviði í deild stjórnkerfa.

Ég býð mig fram til stjórnar VM því ég tel að iðn- og tæknimenntun skipti sköpum fyrir stéttina og framtíð íslensks iðnaðar. Tæknin þróast hratt og því verðum við að tryggja gott aðgengi að endurmenntun og símenntun.

Ég vil leggja mitt af mörkum til að efla menntamál, auka þátttöku félagsmanna í námskeiðum og styðja við framtíðarþróun stéttarinnar.

Þekking er okkar sterkasta hagsmunamál.

Framboð til stjórnar VM 2026

Ég óska eftir umboði félagsmanna VM til áframhaldandi starfa í þágu félagsins. Ég hef setið sem 1. varamaður í stjórn VM undanfarin fjögur ár og vil nú taka næsta skref og leggja meiri kraft í að gæta hagsmuna félagsmanna í stjórn félagsins.

Um mig

• Búsettur í Kópavogi, kvæntur og á þrjú börn.
• Vélstjóri á Viðey RE 50 hjá Brim hf.
• 1. varamaður í stjórn VM.
• Í stjórn sjúkrasjóðs VM.

Menntun og reynsla

• Lauk 4. stigi í Vélskóla Íslands árið 1986.
• Sveinspróf í vélvirkjun árið 1988 og meistarapróf árið 1990.
• BS í viðskiptafræði frá Háskólanum í Reykjavík árið 2004.
• Starfsreynsla af kaupskipum, frystitogurum og ísfisktogurum.
• Starfaði einnig hjá Skeljungi og N1 sem tengiliður við útgerð og fyrirtæki tengd iðnaði.

Áherslur mínar í stjórn VM

• Verja kjör félagsmanna: Ég vil standa vörð um laun, réttindi og starfsumhverfi félagsmanna VM.
• Betri kynning á réttindum: Mikilvægt er að félagsmenn hafi skýra yfirsýn yfir eftirlaunaréttindi sín og önnur réttindi innan félagsins.
• Lífeyrissjóðir í þágu félagsmanna: Ég tel mikilvægt að fulltrúar félagsmanna hafi skýrt og sterkt vægi í stjórnum lífeyrissjóða.
• Sanngjarnari nýting orlofskosta: Ég vil skoða endurskipulagningu á sumarbústöðum VM og jafnframt móta úrræði fyrir þá sem nýta ekki bústaðina, til dæmis í formi styrkja til annarra sumarleyfiskosta.
• Rýna aðild VM að ASÍ: Ég vil fara yfir kostnað og ávinning af veru VM innan ASÍ með hagsmuni félagsmanna að leiðarljósi.

Ég bið um stuðning ykkar og umboð til að taka sæti í stjórn VM.

Valbjörn Jón Höskuldsson

Fæddur og uppalin í Hafnarfirði.

Búsettur í Mosfellsbæ núna.

• Lærði rennismíð hjá Vélaverkstæði Jóhanns Ólafs.
• Rennismíðameistari 1986.
• Kennsluréttindi frá Kennaraháskóla Íslands 2005.
• Kennari og Kennslustjóri til 2022.
• Verkstjóri hjá Stálorku frá 2022.

Býð mig fram til stjórnar til að hafa áhrif á stefnumótun og standa vörð um réttindi félagsmanna okkar.

Menntun: Vélstjóramenntun 4. stig með rafvirkjun sem viðbótanám.

Að auki með sveinspróf í vélvirkjun og rafvirkjun. Er einnig með meirapróf og smáskipapróf.

Starf og fyrri störf

Starfa nú sem aðstoðar sölu- og lager starfmaður hjá Danfoss.

Hef unnið við ýmis störf sem vélstjóri og rafvirki bæði til sjós og lands ásamt að hafa akstur rútubifreiða sem auka vinnu í landi. Áður en ég hóf störf hjá Danfoss starfaði ég sem kennari á Vélstjórnabraut hjá Tækniskólanum.

Í landi starfaði ég lengst af í kælibransanum en til sjós var vélstjórnamennskan aðallega í siglingum á fraktskipum.

Framboð

Hef áhuga á menntun og fræðslumálum félagsmanna. Einnig réttindum og kjaramálum.

Tel að víðtæk starfsreynsla nýtist vel í stjórnarmennsku sem þessari.

Kveðja

Björn Ingi Jónsson
Sími: 899-5976 Netfang: bjorningij@simnet.is

Ég heiti Brynjólfur Árnason, 55 ára vélsmíðameistari með 38 ára reynslu í nýsmíði stáls og viðhaldi búnaðar. Ég hef starfað lengi í krefjandi iðnaðarumhverfi þar sem fagmennska og öryggi skipta öllu máli.

Ég hef tekið virkan þátt í félagsstarfi VM í rúmlega 20 ár, bæði sem trúnaðarmaður og varamaður í stjórn VM. Ég hef setið stjórnarfundi, komið að kjarasamningum og öðlast djúpan skilning á starfsemi og innviðum félagsins. Ég bý í Hafnarfirði og starfa í Álverinu í Straumsvík.

Áherslur:
– Betri þjónusta og skýrari upplýsingagjöf
– Öflug fræðsla og nýliðun
– Sterkari rödd VM í samfélaginu
– Aukin samstaða og sýnileiki

Af hverju ég býð mig fram: Ég vil efla VM, styrkja fagmennsku og tryggja að rödd félagsmanna heyrist skýrt. Reynslan mín úr iðnaði, kjaramálum og stjórn VM gerir mér kleift að leggja mikilvægt framlag til framtíðar félagsins.

Kv. Brynjólfur Árnason

Nazywam się Brynjólfur Árnason, mam 55 lat i 38 lat doświadczenia w obróbce metalu, konstrukcjach stalowych i utrzymaniu ruchu. Pracuję w wymagającym środowisku przemysłowym, gdzie profesjonalizm i bezpieczeństwo są kluczowe.

Od ponad 20 lat działam aktywnie w VM jako przedstawiciel związkowy oraz zastępca członka zarządu. Uczestniczyłem w negocjacjach układów zbiorowych, brałem udział w posiedzeniach zarządu i dobrze znam funkcjonowanie związku. Mieszkam w Hafnarfjörður i pracuję w Hucie Aluminium w Straumsvík.

Priorytety:
– Lepsza obsługa i komunikacja
– Silniejsza edukacja i szkolenia
– Wyraźniejszy głos VM
– Większa jedność i widoczność

Dlaczego kandyduję: Chcę wzmocnić VM, wspierać profesjonalizm i zadbać o to, aby głos członków był słyszalny. Moje doświadczenie zawodowe i z pracy w zarządzie pozwala mi realnie przyczynić się do rozwoju związku.

Z poważaniem, Brynjólfur Árnason

My name is Brynjólfur Árnason, a 55yearold, certified metalworker with 38 years of experience in steel fabrication and industrial equipment maintenance. I have worked for decades in demanding industrial environments where professionalism and safety are essential.

I have been active within VM for over 20 years, serving as both a union representative and a deputy board member. I have participated in collective bargaining, attended board meetings, and gained strong insight into VM’s structure and operations. I live in Hafnarfjörður and work at the Aluminium Plant in Straumsvík.

Key priorities:
– Better service and communication
– Stronger education and recruitment
– A clearer voice for VM
– Unity and visibility

Why I am running: I want to strengthen VM, support professionalism, and ensure that members’ voices are heard. My experience in industry, negotiations, and VM leadership gives me a solid foundation to contribute meaningfully to the union’s future.

Best regards, Brynjólfur Árnason

Einar Sveinn heiti ég og er fæddur í Neskaupstað árið 1990 en er búsettur á höfuðborgarsvæðinu.

• Menntun mín; Lærður vélfræðingur (2013) með meistarabréf í Vélvirkjun (2016) og einnig með brottfararskírteini úr Raftækniskólanum (2018).
• Hef starfað við vélaviðgerðir frá árinu 2010 nú hjá Vélsmiðju Orms og Víglundar áður Stálsmiðjunnar Framtak. Ég starfa við viðgerðir á vélum og afltengdum búnaði í sjávarútvegi, stóriðju og í orkuverum.
• Í starfi mínu ferðast ég um landið og hef því tök á að eiga samtal við fjölda félagsmanna og koma þeirra vangaveltum og hugmyndum með mér inn á stjórnarfundi.
• Ég hef setið í stjórn félagsins í 6 ár og hef mikinn metnað fyrir því að gera áfram. Ég er trúnaðarmaður á mínum vinnustað auk þess að hafa setið í kjararáði við síðustu tvær kjarasamningagerðir á almennum vinnumarkaði.
• Fyrst og fremst er ég giftur tveggja barna faðir sem metur fjölskyldu sína ofar nokkurri vinnu.
• Ég hef mikinn áhuga á því að taka þátt í að gera atvinnumarkaðinn að betri stað fyrir fjölskyldufólk og vinna að auknu jafnvægi milli vinnu og einkalífs.
• Ég er fylgjandi samvinnu iðnfélaganna á Stórhöfða. Mér finnst VM þurfa að fara í mikla vinnu við nútímavæðingu, auka þarf á skilvirkar rafrænar lausnir og jafnframt finnst mér þurfa að bæta í upplýsingaflæði til félagsmanna. Mig langar að taka þátt í þeirri vinnu sem stjórnarmaður.
• Mín skoðun varðandi stjórn félagsinns er einföld, þar á að sitja þverskurður af félagsmönnum, óskandi væri að það myndi raungerast að menn kæmu þar saman úr öllum aldurshópum og starfsumhverfum. Ég býð mig fram sem talsmann yngri hópanna og sem starfsmanns af vélaverkstæði.

Ég bý í Borgarnesi en starfa hjá fyrirtæki sem heitir Meitill, við vinnum fyrir Elkem, Norðurál, Vegagerðina og svo almenna smíða vinnu.

Ég er menntaður vélvirkjameistari og starfa við það hjá Meitli, ég vann hjá vegagerðinni í Borgarnesi í 10 ár við ýmis verk.

Ég hef unnið við margt, bæði tengt náminu og svo ekki tengt því en ég tel það vera gott.

Ég hef miklar skoðanir á öryggi starfsmanna í þessum geira, enda hef ég því miður lent í nokkrum slysum sem hefði mátt koma í veg fyrir, réttu vinnuumhverfi fyrir starfsmenn og passað sé uppá rétt nema.

Ég hef aldrei komið nálægt störfum hjá VM en ég tel mig tilbúinn í það núna.

Vélfræðingur hjá Vélsmiðju Orms og Víglundar

Ég er fæddur á Sauðárkróki 1992 og er búinn að búa á höfuðborgarsvæðinu og starfa hjá VOOV í tæp 10 ár með smá hléum til að sækja sjóinn.

Undanfarinn 3 ár hef ég verið í stjórn IÐN-UNG hagsmunafélag ungs fólks í iðnaði sem tilheyrir öllum stéttarfélögunum í Fagfélaginu sem VM er í. Málefni ungs fólks í okkar atvinnugrein er mér ofarlega í huga og er ég einnig búinn að sækja fundi Nordic IN youth fyrir hönd VM. Nordic IN er regnhlífasamtök stéttarfélaga í iðngreinum á Norðurlöndum með yfir miljón meðlimi úr 20 félögum.

2011 klára ég burtfaraskirteini frá FNV í rafvirkjun. Vinn svo fjölbreitt störf þangað til að ég flyt suður til að ganga í Vélskólann og hef störf hjá Stálsmiðjan Framtak sem er nú Vélsmiðja Orms og Víglundar. Klárar svo Vélskólann og sveinsbréf í vélvirkjun 2018.

Málefni sem brenna mér mest fyrir brjósti eru réttindin okkar sem er búið að berjast fyrir okkur í áratugi og megum við ekki tapa neinu af þeim réttindum. Framtíð ungs fólk í atvinnugreininni, að þau sjá sér vænana kost að vera iðnaðarmaður í málmtæknigeiranum með endalausum tækifærum enn ekki sýst mikinn kaupmátt og heilbrigðann vinnutíma

Ég er Hafnfirðingur og hef alltaf búið í Hafnarfirði.

Ég útskrifaðist sem vélfræðingur árið 2022 og lauk sveinsprófi í vélvirkjun árið 2023. Ég er einnig með burtfararskírteni úr Raftækniskólanum sem ég lauk árið 2023.

Ég starfaði hjá Stálsmiðjunni Framtak nú Vélsmiðja Orms og Víglundar með skólanum og var einnig á námsamning hjá þeim. Þar kynntist ég góðu fólki og fékk góða reynslu. Ég starfa nú sem vélstjóri hjá Hafrannsóknastofnun og hef verið þar síðan 2024. Ég var kosin trúnaðarmaður þar 2025.

Ég hef verið í stjórn Iðn-ung frá 2023 og hef verið formaður þar síðan 2025. Iðn-ung er hagsmunafélag fyrir ungt fólk. Þar leggjum við mikla áherslu á að ná til ungs fólks sem starfar í iðngreinunum. Við viljum skapa vettvang fyrir tengslamyndun, samtal og samvinnu. Ungt fólk er framtíðin.

Ég vill leggja áherslu á að efla ungt fólk innan félagsins og hvetja þau til þess að taka virkari þátt. Í ört vaxandi þjóðfélagi er mikilvægt að kjör og réttindi félagsfólk séu í takt við þær breytingar. Mér finnst mikilvægt að fólk sé í stakk búið til þess að standa vörð um réttindin sín.

Ég er búsettur í Reykjanesbæ en uppalinn í Garði. Ég útskrifaðist sem vélfræðingur frá Vélskóla Íslands árið 1998 og lauk sveinsprófi í vélvirkjun árið 2000. Starfsferill minn hefur að mestu leyti verið á sjó og landi sem vélstjóri frá árinu 1993, þar sem ég hef meðal annars starfað á Freyju GK, Antares VE og Faxa RE. Þá tók ég einnig þátt í sérverkefni árið 2015 þegar ég fylgdi eftir lokasmíði Víkings AK í Tyrklandi.

Ég hef verið virkur í félagsstörfum innan VM og setið sem aðalmaður í stjórn félagsins síðustu fjögur ár. Auk þess hef ég átt sæti í fagnefnd og samninganefnd sjómanna undanfarin ár, þar sem ég hef öðlast mikilvæga reynslu.

Í mínum störfum hef ég lagt áherslu á að berjast fyrir bættum kjörum og réttindum félagsmanna, hvort sem þeir starfa til sjávar eða sveita. Ég tel mikilvægt að standa vörð um störf okkar og réttindi. Reynslan úr stjórn og samninganefnd hefur sýnt mér að þörf er á sterkum og ákveðnum röddum innan félagsins. Ég vil nýta mína reynslu til að styrkja félagið enn frekar og vinna markvisst að áframhaldandi þróun og skýrri stefnumótun.

Jafnframt legg ég áherslu á fagmennsku í samningagerð og mun beita mér fyrir því að efla samninganefndir VM með markvissari og faglegri vinnubrögðum. Það er lykilatriði við samningagerð að við séum jafn vel undirbúin og viðsemjendur okkar og að við höfum fagfólk með okkur til stuðnings við samningaborðið.

Ég býð mig fram til áframhaldandi setu í stjórn VM með það að markmiði að vinna að hagsmunum félagsmanna, styrkja félagið og standa vörð um það í núverandi mynd. Ég mun áfram sinna þeim störfum af heilindum og leggja áherslu á hreinskilin og gagnsæ vinnubrögð.

Búsettur í Kópavogi.

Ég er yfirmaður framleiðsluþróunarteymis hjá JBT Marel. Þeirri stöðu hef ég gegnt síðan í ágúst 2025. Ég hef starfað hjá fyrirtækinu í rúm 12 ár, áður sem framleiðslusérfræðingur frá apríl 2023, og fyrir það á renniverkstæðinu.

Einnig hef ég starfað hjá Baader og Vélsmiðjunni Hamri. Ég hef einnig sinnt afleysingum í kennslu í áfanga í tölvustýrðri rennismíði (CNC) hjá Tækniskólanum í Hafnarfirði árin 2016 og 2017.

Ég lauk sveinsprófi í rennismíði vorið 2013, stúdentsprófi frá Fjölbrautaskólanum í Breiðholti og viðbótarnámi frá Frumgreinadeild Háskólans í Reykjavík í kjölfarið. Ég hef einnig tekið ýmis námskeið sem sneru að rekstri og stjórnun frá Háskólanum í Reykjavík.

Menntun og fagþróun eru mín helstu áherslumál og ég vil að VM leiði þá vegferð með skýrri framtíðarsýn. Ég vil stuðla að aukinni áherslu á að efla iðnmenntun, faglega stöðu félagsmanna og tryggja að raddir iðnaðarmanna heyrist skýrt í mikilvægu samtali við atvinnulíf og stjórnvöld.

Borgarholtsbraut 70, 200 Kópavogi

Ég er 1.Vélstjóri á Huginn VE55

Ég lauk 4.stigi við Vélskóla-Íslands vorið 2006 og sveinsprófi í Vélvirkjun 2009.

Á mínum skóla árum og fyrstu árin eftir vélskólann var ég á fiskiskipum hér heim eða fram til haustsins 2009 er ég flutti til Noregs.

Ég var Yfirvélstjóri til sjós í Noregi í þó nokkur ár frá 2010 og þá helst í Fosnavåg sem er lítill bær á vesturströnd Noregs.

Mín hjartans mál er viðkemur félaginu okkar og þær áherslur sem ég mun leggja áherslu á eru:

• Virkja yngri félagsmenn í starfi félagsins og fylgja eftir áherslum hópsins.
• Lífga uppá félagslíf félagsins.
• Fylgja því eftir að atvinnuskýrteinin okkar séu fullgild á alþjóðavísu sem ótakmörkuð líkt og skólinn hefur markaðssett réttindin er fást að loknu námi.

Fullur bjartsýni. Ingi Bogi Hrafnsson

Kristmundur Skarphéðinsson, vélfræðingur, starfar hjá HS orku.

Búsettur í Fagrabergi 8, Hafnarfirði.

Ég útskrifaðist sem vélfræðingur frá Vélskóla Íslands vorið 1995 og lauk svo sveinsprófi í vélvirkjun árið 1997. Ég kláraði rafvirkjun frá Fjölbrautaskólanum í Breiðholti vorið 2008. Ég tók sveinspróf í rafvirkjun árið 2015.

Eftir nám í Vélskóla Íslands hóf ég störf hjá Véla-og skipaþjónustunni Framtak og var þar til ársins 1997. Eftir það lá leið mín út á sjó þar sem ég starfaði sem vélstjóri hjá Eimskipafélaginu. Vorið 2001 hætti ég störfum hjá Eimskip og réði mig til starfa hjá Hitaveitu Suðurnesja, sem í dag heitir HS orka. Þar starfa ég enn í dag á vöktum í Svartsengi og í Reykjanesvirkjun.

Ég var í uppstillingarnefnd VM og Fulltrúaráði frá 2012-2014, eins hef ég tekið þátt í vinnu á kjararáðstefnu sem VM hélt fyrir félagsmenn. Ég hef setið í stjórn VM og sjúkrasjóði frá 2016.

Hjá HS orku hef ég verið trúnaðarmaður fyrir vélfræðinga frá árinu 2010.

Ég býð mig fram í stjórn VM þar sem ég hef áhuga á kjaramálum og menntamálum. Ég hef áhuga á að stækka og efla VM, með því að standa vörð um störfin og fjölga störfum. Ég tel nauðsynlegt að reyna að auka áhuga ungra félagsmanna á félagsmálum því það mun styrkja félagið.

Vélfræðingur hjá Eimskip.

Ég bý í Hafnarfirði og starfa á vélaverkstæði Eimskips í Reykjavík.

Ég lauk Vélskóla Íslands áramótin 1985-1986 með sveinsprófi í vélvirkjun. Ég hef mest starfað sem vélstjóri á sjó, aðallega á millilandaskipum en fór í land eftir veikindi árið 2011 og hef unnið á vélaverkstæði Eimskips síðan þá.

Ég var kosinn trúnaðarmaður í ársbyrjun 2014. Mínar áherslur eru efling vinnudeilusjóðs og að leggja baráttu gegn starfsmannaleigum og undirboðum lið. Ég hef verið formaður samninganefndar VM í síðustu þrem kjarasamningsviðræðum um Almenna samning VM við SA og verið fánaberi á 1. maí undanfarin ár.

Ég hef verið fulltrúi VM á síðustu fjórum ASÍ þingum. Ég tel að innan launþegahreyfingarinnar séu tækifæri til þjóðfélagsbreytingar sem ég vil sjá og vil vera hluti af þeirri breytingu.

Búsettur á Akureyri

Yfirvélfræðingur hjá Norðurorku

Giftur þriggja barna faðir

Ég útskrifaðist sem vélstjóri og rafvirki frá Verkmenntaskólanum á Akureyri vorið 2009. Árið 2011 lauk ég sveinsprófi í vélvirkjun og ári síðar sveinsprófi í rafvirkjun. Ég hóf nám í Háskólanum í Reykjavík árið 2012 og útskrifaðist þaðan sem rafiðnfræðingur 2015. Í framhaldi fór ég í véliðnfræði í HR og útskrifaðist sem véliðnfræðingur vorið 2023.

Eftir nám í Verkmenntaskólanum 2009 hóf ég störf hjá Alcoa Fjarðaáli sem rafvirki og vélvirki til ársins 2018. Þar var ég einnig á háspennuvakt og í slökkviliði Fjarðaáls. Árið 2018 lá leið mín aftur norður þar sem ég hóf starf hjá Norðurorku sem vélfræðingur þar sem við sjáum um rekstur á hita- og vatnsveitu, metanframleiðslu og rekstur Glerár- og Djúpadalsvirkjana. Árið 2020 tók ég við sem Yfirvélfræðingur hjá Norðurorku.

Ég hef verið í fulltrúarráði VM frá 2019 og í aðalstjórn VM frá 2020. Haustið 2019 fór ég á kjararáðstefnu sem VM hélt fyrir félagsmenn. Var fulltrúi fyrir VM á ASÍ þingi árið 2021 og einnig á framhaldsþingi árið 2023. Einnig hef ég verið í orlofsnefnd VM frá 2024.

Ég var trúnaðarmaður hjá Norðurorku frá byrjun árs 2019 til lok árs 2020. Ég var í samninganefnd hjá Norðurorku og tók þátt í kjaraviðræðum milli VM og SA vegna Norðurorku árið 2019. Ég var einnig í samninganefnd hjá Norðurorku um vinnutímastyttingu.

Áherslur mínar eru fyrst og fremst kjaramál og menntun. Því býð ég mig áfram fram í stjórn VM. Við þurfum að fá ásættanleg laun og geta lifað á dagvinnu. Menntun okkar félagsfólks þarf að vera metin að verðleikum og þurfa launin að endurspegla það. Ég hef einnig áhuga á orlofsmálum og finnst að VM þurfi að vera samkeppnishæft þegar kemur að orlofshúsakostum og einnig að sinna því viðhaldi sem þarf svo húsin okkar haldist í góðu standi.