5.9.2019

Konur og siglingar: Hvað er svona merkilegt við það?

Alþjóðasiglingadagurinn er í ár helgaður konum með þemanu „Empowering women in the maritime community“. Af því tilefni standa Siglingaráð og samgöngu- og sveitarstjórnarráðuneytið fyrir ráðstefnu fimmtudaginn 26. september undir yfirskriftinni Hvað er svona merkilegt við það?

Á ráðstefnunni verður fjallað um sögu íslenskra kvenna á sjó og erlendir og innlendir fyrirlesarar segja frá starfsvali sínu og reynslu af samvinnu og sambúð kynjanna í siglingum. Þá verður leitað svara við því hvers vegna konur eru svo fáar til sjós og í siglingum og hvernig megi gera störf til sjávar eftirsóknarverð fyrir konur. Forseti Íslands opnar ráðstefnuna og samgöngu- og sveitarstjórnarráðherra flytur lokaávarp.

Ráðstefnan verður haldin í Kaldalóni í Hörpu frá kl. 13-16 og er opin öllum.

Skráning á ráðstefnuna hér

Nánar hér

Auglýsing og dagskrá