29.1.2015

Breyting á skattmati ríkisskattstjóra fyrir árið 2015

Kæru félagsmenn

Ríkisskattstjóri hefur endurskoðað orðalag sitt í skattmati ársins 2015 og bætt inn aftur klausu í kafla 2.9 um að ekki skuli telja til tekna félagsmanns styrk vegna endurhæfingu. 

Svona er kaflinn í heild sinni :

Heilsurækt
Ekki skal telja til tekna starfsmanns greiðslu frá launagreiðanda, eða eftir atvikum stéttarfélagi, sem ætlað er að standa straum af kostnaði við íþróttaiðkun og aðra heilsurækt að því marki sem slík greiðsla fer ekki yfir 55.000 kr. á ári. Skilyrði er að starfsmaður leggi fram fullgilda og óvefengjanlega reikninga fyrir greiðslu á viðkomandi kostnaði. Með kostnaði við íþróttaiðkun og heilsurækt er átt við greiðslu á aðgangi að líkamsræktarstöðvum, sundlaugum og skíðasvæðum, greiðslu á æfingagjöldum í íþróttasali og félagsgjöldum í golfklúbba sem og þátttökugjöld vegna annarrar hreyfingar sem stunduð er með reglubundnum hætti. Einnig fellur hér undir kostnaður við aðra heilsurækt eins og t.d. jóga og annar sambærilegur kostnaður, þ.m.t. kostnaður vegna endurhæfingar.


Og hér er hlekkur á skattmatið í heild sinni :

https://www.rsk.is/einstaklingar/tekjur-og-fradraettir/skattmat/