7.1.2014

Íslandsmót iðn- og verkgreina 2014 og framhaldsskólakynning

Íslandsmót iðn- og verkgreina verður haldið í Kórnum í Kópavogi  6. – 8. mars 2014 og er keppnin sú stærsta til þessa. Framhaldsskólar landsins taka þátt í mótinu og verða með kynningu á starfssemi sinni. Foreldrar og forráðamenn eru hvattir til að nýta þetta einstaka tækifæri og mæta með börnum sínum til að kynna sér fjölbreytt námsframboð – allt á einum stað! Mótshaldarar eiga nú þegar von á  rúmlega 6000 grunnskólanemendur mæti í Kórinn þessa helgi.

Íslandsmótinu er fyrst og fremst ætlað að kynna iðn- og verkgreinar fyrir ungu fólki til að vekja athygli á iðn- og verkgreinum og þeim tækifærum sem felast í námi og störfum í iðngreinum. Keppt verður í 23 greinum og því margt að skoða. Auk keppninnarverða sýningar á margvíslegum iðn- og verkgreinum og einnig atriði á sviði. Grunnskólanemendur verða sérstaklega boðnir velkomnirog þeim og öðrum gestum gefinnkostur á að prófa ýmislegt spennandi undir handleiðslu fagfólks. Hér er því um frábært tækifæri til að kynna sér spennandi starfsmöguleika í iðngreinum.

Á kynningunni munu 25 framhaldsskólar kynna námsframboð sitt, bæði verklegt og bóklegt og mun starfsfólk þeirra veita svör við spurningum um námsframboð og inntökuskilyrði. Félag náms- og starfsráðgjafa verður með kynningarbása á svæðinu og munu svara fyrirspurnum um val á námsleiðum, veita upplýsingar um áhugasviðskannanir og fleira.

Íslandsmót iðn- og verkgreina er orðið fastur liður hjá félögum og samtökum sem standa að  verknámsgreinum sem og framhaldsskólum sem kenna verklegar greinar. Íslandsmótið er fjölbreytt og skemmtilegt og veitir ungu fólki tækifæri til sýna fram á færni sína og kunnáttu í iðn- og verkgreinunum. Þátttakendur á Íslandsmótinu eru nemendur í iðn- og verkgreinaskólum landsins eða þeir sem nýlega hafa lokið námi. Um 200 keppendur munu taka þátt í mótinu. Keppendur takast á við krefjandi og raunveruleg verkefni í samkeppni sem reynir áhæfni, skipulagshæfileika og fagmennsku. Dómarar fara yfir verkefnin að keppnilokinni, meta gæðin og velja þá sem skara fram úr í hverri grein.

Hér er dagskrá keppninnar