14.12.2018

Staðfesting IMO

Á 100. fundi siglingaöryggisnefndar IMO staðfesti nefndin formlega að Ísland uppfylli áfram í einu og öllu ákvæði STCW-samþykktarinnar um menntun, þjálfun, skírteini og vaktstöðu farmanna og hafi innleitt nauðsynlegar breytingar á henni (svokallaðar Manilla-breytingarnar).

Þessi staðfesting kemur í kjölfar mikillar vinnu Samgöngustofu undanfarin misseri við skjalagerð og þýðingar á gögnum sem þarf að leggja fram hjá IMO á 5 ára fresti til að uppfylla ákvæði STCW-samþykktarinnar um skírteinisútgáfu hjá Samgöngustofu, menntun og þjálfun í sjómannaskólunum og lögfestingu samþykktarinnar í íslenskan rétt. STCW-skírteini íslenskra farmanna eru þar með áfram viðurkennd um allan heim.

Sjá frétt á heimasíðu Samgöngustofu https://www.samgongustofa.is/um/frettir/siglingafrettir/stadfesting-imo