21.6.2018

Samið við Golfklúbbinn Dalbúa um 50% afslátt fyrir VM Félag vélstjóra og málmtæknimanna

Eins og félagsmönnum er kunnugt hefur VM átt í löngu og góðu samstarfi við Golfklúbbinn Dalbúa, sem rekur golfvöllinn í Miðdal við Laugarvatn, um þjónustu við félagsmenn VM. Undanfarin ár hefur þetta samstarf m.a. leitt til þess að þeir sem hafa gist í orlofshúsum félagsins við Laugarvatn hafa geta notað golfkort sem fylgja húsunum til að stunda golf á velli Dalbúa sér að kostnaðarlausu.

Nú hefur samningur VM og golfklúbbsins Dalbúa verið endurnýjaður fyrir árið 2018. Á grundvelli hans munu félagsmenn VM njóta 50% afsláttar af félagsgjöldum og vallargjöldum í golfklúbbnum á árinu, og jafnframt njóta annarra kjara sem félagsmönnum Dalbúa bjóðast, m.a. hjá Laugarvatn Fontana, vinagolfvöllum Dalbúa o.s.frv. (Ekki er veittur afsláttur af gjaldi sem golfklúbburinn þarf að greiða til GSÍ fyrir hvern félagsmann, en ef viðkomandi er aðili að öðrum golfklúbbi innan GSÍ fellur það gjald niður.)

Félagsmenn VM eru eindregið hvattir til að kynna þér þennan möguleika til golfiðkunar í fallegu umhverfi. Frekari upplýsingar um golfklúbbinn er að finna á heimasíðunni dalbui.is, en félagsmenn VM geta m.a. notfært sér þetta tækifæri og sótt um aðild að golfklúbbi Dalbúa með einföldum hætti í gegnum heimasíðuna.