5.12.2013

Fundur uppstillingarnefndar VM

VM boðar til félagsfundar þann 12. desember n.k. kl. 20:00 í VM húsinu, 
stórhöfða 25, Reykjavík.

Dagskrá
Kynning á tillögu uppstillingarnefndar um framboð til stjórnar, varastjórnar og fulltrúaráðs VM
fyrir tímabilið 2014 til 2016 og framboð til formanns VM tímabilið 2014 til 2018.

Vakin er athygli á að framboðsfrestur rennur út á fundinum en allir félagsmenn sem ekki eru
á lista uppstillingarnefndar geta boðið sig fram hafi þeir stuðning 20 fullgildra félagsmanna VM.

Úr 27. grein laga VM - Kosningar
Ári áður en kosningar fara fram kýs aðalfundur 7 manna uppstillingarnefnd sem annast uppstillingu
manna til formanns, stjórnar og fulltrúaráðs eftir því sem við á.
Uppstillingarnefnd ræðir allar tillögur sem henni kunna að berast og kappkostar að taka tillit til
starfsgreina og landssvæða þannig að stjórn endurspegli breidd félagsins.
Þeir einir eru kjörgengir til stjórnar sem hafa greitt hlutfall af launum í félagsgjald síðustu 6 mánuði
áður en uppstillingarnefnd lýkur störfum auk heiðursfélaga.
Uppstillingarnefnd lýkur störfum eigi síðar en 8 mánuðum eftir aðalfund sem kaus hana.
Niðurstaða hennar er kynnt á almennum félagsfundi.
Aðrar tillögur sem fram koma teljast aðeins gildar að þær hafi verið bornar fram innan þess
frests sem kjörstjórn auglýsir og hafi stuðning 20 fullgildra félagsmanna.